Lumi Vjosa ka dalë nga shtrati pranë 'Pazarit të vjetër' në Urën e Mifolit. Shkak janë bërë prurjet e shumta të ujit pas rreshjeve të ditëve të fundit.
Lapsi.al mëson se situata është në monitorim. Niveli i lumit është në kuotën 6.34 metra. Me këtë nivel nuk ka rrezik për përmbytje të fshatrave. Sipas shtabit të emergjencave në Vlorë, niveli duhet të shkojë mbi tetë metra për të rrezikuar fshatrat përreth.
Pritet që të shihen të tjera prurje të këtij lumi nga Greqia.
Shtabi i emergjencave po ndjek nga afër situatën e lumit Vjosë me qëllim marrjen e masave nëse do të kemi përkeqësim të situatës në vijim. ©Lapsi.al
[video width="848" height="480" mp4="https://cdnimpuls.com/lapsi.al/wp-content/uploads/2019/12/WhatsApp-Video-2019-12-23-at-15.02.25.mp4"][/video]
