Fatma Methasani ishte e ftuar së fundmi në “Mos i fol shoferit”, ku përpos jetës private foli edhe për eksperiencën e saj në televizion. Pak muaj më parë u bë e ditur se INTV do të mbyllej, televizion ku punonte dhe Fatma.
Ajo ka rrëfyer se shkëputja për të ishte shumë e dhimbshme. “Shyqyr ndodhi në një periudha kur isha e shpërqendruar nga shtatzënia dhe më ka ndihmuar shumë ta kaloja përciptazi gjithë situatën”, është shprehur Fatma. Emisioni i saj “Fun Day” ishte ndër më të ndjekurit në INTV, por duket se pas shtatzënisë Methasani do të planifikojë rikthimin në një ekran tjetër.
