Zbardhen detaje të tjera nga atentati me tritol në Vlorë, i cili kishte për shënjestër prokurorin Albert Kulici. Mësohet se kamerat e sigurisë të zonës në lagjen “28 nëntori” kanë kapur një person të maskuar i cili shihet teksa i është afruar makinës së prokurorit Albert Kuliçi dhe dyshohet të ketë vendosur aty lëndën plasëse, që më pas hodhi në erë mjetin.
Pamjet e kësaj kamera sigurie mund të hedhin dritë mbi atë që ndodhi mbrëmjen e djeshme. Në pamje duket një makinë e cila ka hyrë kundravajtje në rrugicën ku ndodhej parkuar makina me targë AA 583OO e prokurorit Kuliçi dhe prej saj zbret një person i maskuar.
Ai i është afruar makinës së prokurorit dhe ka hedhur sasinë e eksplozivit i cili ka shpërthyer disa sekonda më pas. Autori duket teksa rikthehet te makina me të cilën erdhi dhe është larguar nga e njëjta rrugicë.
Tritoli i vendosur në makinën e prokurorit të Vlorës Albert Kuliçi, duke ia shkatërruar plotësisht ka lidhje vetëm me detyrën që ai mban dhe asnjë konflikt tjetër personal dhe këtë e ka konfirmuar kryetari i Gjykates Vlorë Skënder Haluci, i cili ka folur sot për mediat pas ngjarjes së rëndë.
Burimet thanë se prokurori ne fjale ka hetuar ish kryebashkiakun e Vlores Shpetim Gjika, per ceshtjen e Parkimeve ne qytetin bregdetar. Ne ate kohe, ai ka kerkuar burgosjen e Gjikes ne gjykate. Nderkohe ka edhe ceshtje te tjera ne hetim, qe lidhen me pronat ne Vlore, nje ceshtje e nxehte ne kete qytet.
Ngjarjen e kanë dënuar presidenti i republikës, Ilir Meta dhe Këshilli i Lartë i Prokurorisë. Ata kanë kërkuar zbardhjen e saj sa më shpejtë. Ky është rasti i dytë brenda pak kohësh që i bëhet atentat një prokurori. Kujtoni pak javë më parë atentatin ndaj prokurorit Arjan Ndoja në Durrës.
[video width="848" height="480" mp4="https://cdnimpuls.com/lapsi.al/wp-content/uploads/2019/12/WhatsApp-Video-2019-12-21-at-07.15.23.mp4"][/video]
