Princi Philip, bashkëshorti i Mbretëreshës Elizabeth II është dërguar në spital me urgjencë. Lajmin e ka bërë të ditur Pallati Buckingham nëpërmjet një njoftimi zyrtar.
Ai sot është zhvendosur nga Norfolk në spitalin King Edward VII të Londrës për observim dhe trajtim të një problemi të mëparshëm shëndetësor.
Më herët mediat britanike kanë raportuar se 98-vjeçari Duka i Edinburgut nuk do t’i bashkohet festimeve në turin e Mbretëreshës për shkak të problemeve shëndetësore.
Princi ka gati 2 vite që nuk bën dalje të rëndësishme publike, pasi gjendja shëndetësore sa vjen edhe përkeqësohet.
