Dy të rinj kanë mbetur të vrarë pas një sherri me armë zjarri në Patos. Ngjarja ndodhi brenda ambienteve të Poliklinikës së qytetit të Patosit pak minuta më parë.
Burime të Lapsit.al bëjnë me dije se Elis Kapaj vdiq në vend, ndërsa ManolRrapaj ndërroi jetë në spital. Këta dy persona mbetën të vrarë pas një sherri që ndodhi brenda ambienteve të Poliklinikës së Patosit. Ndërkohë, autori i krimit, Martin Skendaj, u arrestua vetëm pak pas krimit.
[video width="848" height="480" mp4="https://cdnimpuls.com/lapsi.al/wp-content/uploads/2019/12/patosi.mp4"][/video]
Çfarë thotë policia
"Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur.
Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit.
Po punohet për zbardhjen e plotë të rrethanave të ngjarjes." - thuhet në reagimin e policisë. ©LAPSI.AL
