Një tjetër tërmet i fortë ka tronditur Shqipërinë. Lëkundja është ndjerë në orën 17:03 dhe, sipas IGJEUM, ka qenë me magnitudë 4.3 të shkallës Rihter, me një thellësi 29 kilometra.
Epiqendra e tërmetit ka qenë 9 kilometra në veri të Durrësit dhe është ndjerë shumë në Tiranë, Vorë dhe Fushë Krujë, duke rikthyer frikën dhe panikun te qytetarët. Në muajin e fundit, që pas tërmetit tragjik të 26 nëntor, pasgoditjet kanë vijuar.
Ministria e Mbrojtjes raporton se deri më tani nuk ka raportime për dëme materiale apo lëndime të njerëzve, por lëkundja ka shkaktuar shumë panik te qytetarët.
