Historia e tyre e dashurisë përfundoi verën e kaluar, por çifti duket se është gati të shkruajë një kapitull të ri dashurie. Nicholas Lefebvre, 37-vjeçar francez, ishte i vetmi njeri që fitoi zemrën e Monica Bellucci, pas divorcit nga Vincent Cassel. Monica Bellucci është parë përsëri me ish të dashurin. Fotot ekskluzive janë publikuar nga e përjavshmja “Chi”. Aktorja italiane dhe artisti francez u fotografuan duke dalë nga restoranti “La Reserve” në Paris. Nicolas ka treguar shumë dashuri ndaj Monikës, duke e përqafuar dhe puthur gjatë gjithë rrugës. Kur ata u ndanë verën e kaluar, Bellucci është shprehur se ai i kishte mësuar shumë gjëra.
“Ai është një person që ka një ndjeshmëri të vërtetë artistike, por fluturimi ynë së bashku vazhdon tani e tutje në një rrugë tjetër që është ajo e një miqësie për jetën”, u shpreh aktorja e famshme italiane.
