Mbrëmjen e sotme është nata e parë gjysmëfinale e “Festivalit të 58-të të RTSH-së”, ku do të marrin pjesë emra të njohur të muzikës.
Për këtë natë speciale, Alketa ka organizuar edhe një surprizë po aq të veçantë.
Ajo do të ngjitet në skenë me një bashkëpunim me baritonin e njohur Gëzim Myshketën.
Vetë këngëtari ka treguar në llogarinë e tij në Instagram se do të jetë i ftuar në natën e parë të festivalit.
“Sonte kam nderin të jem i ftuar i mbrëmjes inauguruese të Festivalit të 58 të Këngës në ????.Pjesmarrja ime në titull tërësisht gratuit vjen si dëshirë e fortë për të interpretuar një pjesë dedikuar Shqipërisë dhe Kosovës në këto momente të vështira të cilat po kalon vendi.Dua të falenderoj Mjeshtrin Artizan të notave, Shpëtim Saraçi për punën e mrekullueshme në orkestrimin dhe prodhimin e pjesës. Titulli dhe partneri me të cilin do të këndoj mbetet surprizë për sonte në mbrëmje!!!”Së fundëmi ( por JO për të fundit ) Faleminderit Alketa Vejsiu dhe Vera Grabocka që me ngulm më dëshiruat në këtë festë të këngës që bashkon Shqiptarët! Suksese të gjithëve !!! Rroftë muzika e mirë” – shkruan ai.
Sipas “News.31”, Gëzimi dhe Alketa do të sjellin një version të këngës së famshme “Rrjedh në këngë e ligjërime” të Feim Ibrahimit.
Dikur, kjo këngë ka qenë pjesë e “Festivalit të RTSH-së”.
