Nga AMA është bërë RAMA. Bëhet fjalë për tabelën informuese të zyrave të Autoritetit të Mediave Audiovizive, e cila me ligjin e ri që pritet të miratohet sot në Kuvend merr kështu edhe atributet e një gjykate që do të caktojë gjoba apo do të marrë vendime për mbylljen e mediave online në Shqipëri. Heqja e gërmës A për t'u zëvendësuar me gërmën R, është bërë nga aktivistë të organizatave të shoqërisë civile dhe të mediave që protestojnë kundër ligjit, i cili synon të vërë nën kontroll portalet. Gjatë fjalës së mbajtur sot në Kuvend, Rama nuk dha asnjë shenjë tërheqjeje nga ligji, i cili është kundërshtuar gjithashtu nga më shumë se 30 organizata ndërkombëtare të mediave, por edhe nga Këshilli i Europës.
©LAPSI.al
