Këngëtari qendron mes një grupi vajzash në shumicën e skenave, e në disa momente na u kujtuan disa imazhe që nuk i shohim për herë të parë në videon e Butrintit.
Fillimisht, në klip është përdorur një referencë nga “La Casa de Papel”, një nga serialet më të ndjekura që ka bërë për vete me mijëra shikues nga e gjithë bota. Balerinat qendrojnë njëra-pas tjetrës, duke mbajtur në fytyrë maskat që përdoren në serialin në fjalë.
Më pas, një tjetër çast është ai që sjell në kujtesë një nga skenat më të famshme të klipit “Humble” nga Kendrick Lamar, i cili përcolli një efekt të veçantë viziv me balerinët që qendronin statikë, duke lëvizur veç kokat. Një pamje e tillë duket se i ka shërbyer edhe Butrintit në “M’ke rrejt”.
Pak frymë nga “Hotline Bling” i Drake vjen përsëri në klipin e ri të Butrintit, i cili duket se ka përdorur referencat më të mira për një video.
