Talent show “Top Talent” do të nisë sezonin e tretë në muajin janar në Top Channel, ndërsa audicionet e para të programit kanë nisur që sot, teksa shfaqen ‘live’ në ‘livestreeam’.
Ky sezon që pritet të ketë plot risi e surpriza do të jetë me një gamë më të gjerë konkurrentësh, instrumentistësh, këngëtarësh, kërcimtarësh, interpretuesish në zhanre të ndryshme, prezantuesish dhe gazetarësh. Edicioni i tretë do të vijë i riformatuar në strukturë, prezantim si dhe në panelin e jurisë.
Oriela Nebiaj është fytyra e edicioni të tretë. Prezantuesja vjen për herë të parë në moderimin e një formati të tillë, pas disa eksperiencave.
