Pas lajmit për largimin e Florian Agalliut nga televizioni, mësohet se “Në Shtëpinë Tonë” nuk do të jetë më pjesë e ekranit të Top Channel.
Sipas burimeve pranë “News31.al”, nga data 6 janar do të nisë një format krejt i ri, autore e së cilit do të jetë Olsa Muhameti. Me prezantues Flori Gjinin, pritet të shohim diçka shumë ndryshe gjatë orëve të paradites me nisjen e sezonit të ri. Flori nuk do të jetë i vetëm, edhe pse ende nuk dihet se cila do të jetë bashkëprezantuesja e tij në format.
Detaje të mëtejshme pritet të zbulohen së shpejti. Duket se 2020 do sjelli shumë risi në ekran .
