Al Bano Carrisi nuk do të marrë pjesë në festivalin e 11-të që po zhvillohet në Bunk Art 1, sepse ditën e sotme ka humbur nënën në moshën 96-vjeçare.
Ajo që ai e quante “Zonja më e mirë në botë”, u largua përgjithmonë duke e lënë në një trishtim të madh këngëtarin, siç raportojnë edhe mediat italiane. Lidhja e tyre ka qenë shumë e fortë, aq sa ishte e vështirë që gjatë intervistave, Jolanda, nëna e tij të mos përmendej të paktën një herë.
“Ajo është një luaneshë, kushdo që lëndon fëmijën e saj nuk ka rrugëdalje”, thoshte në një nga intervistat Carrisi.
