Era Istrefi i është bashkuar grupit të artistëve që po solidarizohen me të prekurit nga tërmeti.
Këngëtarja me famë botërore, publikoi në Instagram një foto përmes së cilës tregon se do të performojë në Tiranë.
Ajo ka vendosur që të gjitha fitimet nga koncerti të përdorën për të ndihmuar njerëzit që kanë nevojë në Shqipëri, pas tërmetit që la të vdekur 51 persona.
“Edhe pse nuk mbaj koncerte sepse jam duke u marrë me projekte të reja, më vjen mirë që kemi me u pa të premten në Tiranë sidomos per arsyen qe të gjitha fitimet do të përdoren per ndihma te njerëzve që kanë nevojë në Shqipëri”, ka shkruar Era në Instagram.
Ajo do të jetë e shoqëruar nga motra e saj, Nora.
