Video që nxjerr bllof propagandën e Ramës me familjet e prekura nga tërmeti në Manzë
Fillimisht alarmin për këtë gjë e dha në ABC News ish drejtori i emergjencave civile, Shemsi Prençi. Gjatë një interviste televizive, që ditën e parë të tragjedisë, ai lëshoi bombën: “Ky pallat ka qenë i shpallur i pabanuar, madje është bërë edhe vlerësimi. Nëse ka një vend që s’duhet të ketë struktura operacionale, por duhet të ketë strukturat e Prokurorisë së Përgjithshme është Thumana. Prokurorja e Përgjithshme duhet të jetë sot në Thumanë me ekipin më të mirë të prokurorëve, pasi pallati ka qenë shpallur i pabanueshëm”, tha ish- drejtori i emergjencave civile. Po ashtu edhe në intervistat e tyre të para edhe banorët e mbetur gjallë, pohuan me gjysëm zëri se godinat ku ata banonin ishin shpallur të pabanueshme pas tërmetit të 21 shatorit. Ndërsa dy eksponentë të mazhorancës, zv kryeministri Braçe dhe kryebashkiaku Bushi dhanë para kamerave versione krejtësisht të ndryshme para kamerave (video e trete poshte). Që nga ky moment, gazetarët filluan të interesohen për të kërkuar faktet, provat, nëse ka pasur ekspertizë apo jo, nëse përfundimi i saj i lejonte banorët të rifuteshin në apartamentet e tyre apo jo. Por më kot. Ky krim i prezumuar, ruhej me fanatizmin e sekretit më të lartë shtetëror. Dhe kjo ka dalë hapur edhe në studio televizive. Për këtë është shumë sinjifikative të shikohet intervista e zv ministrit të ndërtimit Artan Shkreli në 2 dhjetor, pra një javë pasi s’kishte mbetur shqiptar pa marrë dijeni për ekzistencën e këtij varri masiv. I pyetur në emisionin “Open”, me një indiferencë makabre, Shkreli thotë se nuk ka asnjë informacion për dokumentacionin e pallateve ku humbën jetën 24 vetë. Por, shton ai, ky material është shumë kollaj i gjetshëm në institutin e ndërtimit dhe po ta kishte ditur që ai do i kërkohej ai do e kish marrë menjëherë (video poshtë). [video width="480" height="270" mp4="https://cdnimpuls.com/lapsi.al/wp-content/uploads/2019/12/IMG_4121.mp4"][/video] Sado që duket e çuditshme që shteti të mos ishte interesuar edhe një javë pas katastrofës se ç’kish ndodhur në Thumanë, përsëri kjo përgjigje mund të merrej si një lajthitje e zv ministrit. Por rreth çerek ore më pas, me këmbënguljen për të mësuar përgjegjësinë e Thumanës, gazetarët insistuan përsëri nëse mund ta kishin edhe të nesërmen përgjigjen se a ishte bërë eksperitza për ato pallate dhe cili kishte qenë konkluzioni. Shkreli u përgjigj sërish duke dredhuar (video poshtë). [video width="480" height="270" mp4="https://cdnimpuls.com/lapsi.al/wp-content/uploads/2019/12/IMG_4122.mp4"][/video] Që nga ky debat kanë kaluar edhe pesë ditë dhe askush nuk e nxjerr të vërtetën që në prononcimin e parë të Shkrelit ishte shumë lehtë e aksesueshme. Po të enjten në mbrëmje, në emisionin “Open”, sërish ministri Blendi Klosi dha përgjigjen se ai nuk kishte djeni se a kishte patur kontroll në pallatet e Thumanës pas tërmetit të 21 shtatorit. Pas gjithë këtyre ngritjeve të supeve, ngurrimeve për t'u përgjigjur, hezitimit për të nxjerrë dokumente, dyshohet se nuk është thjeshtë indiferenca, sepse do ishte kriminale që edhe sot shteti të mos kishte të dhëna për vendin ku mbetën të groposur gjysma e 51 viktimave të tërmetit. Hipoteza më e besueshme është se aty kemi të bëjmë me një vrasje shtetërore. Se ato pallate janë shpallur të pabanueshme, se aty nuk duheshin lënë më të hynin banorët, se askush nuk ka çarë kokën për ato jetë që u humbën. Dhe heshtja e sotme, refuzimi për të dhënë informacion, vjen prej faktit se 24 nga të vdekurit ndoshta nuk janë viktima të një fatkeqësie natyrore, por të krimit njerëzor. Pikërisht për këtë Partia Demokratike i është drejtuar me një letër (shiko poshtë) me pesë pyetje kreut të Komitetit të Emergjencave, Edi Ramës dhe kryetarit të bashkisë së Krujës, Artur Bushi. Por ashtu si edhe paraardhësit, ata nuk kanë marrë asnjë përgjigje për këtë krim të prezumuar të shtetit, që mori jetët e 24 viktimave. ©Lapsi.al [embed]https://www.facebook.com/gazment.bardhi/videos/10220793089246763/[/embed]
