Pas tradhëtisë që u kthye në kryefjalën e mediave, Khloe Kardashian tregoi në një status në Instagram se është gati të falë ish-partnerin dhe ish-shoqen e ngushtë të Kylie Jenner, Jordyn Woods.
Në shkrimin e saj, Khloe la të kuptohet se nuk do të jetë më e hidhëruar as me Tristan-in, as me personat e tjerë që e kanë bërë të vuajë.
“Unë nuk kam asnjë ndjenjë negative ose urrejtëse ndaj ndokujt! Jeta është e shkurtër! Ne jemi të gjithë njerëz që përpiqemi ta kuptojmë këtë gjë të quajtur jetë”, shkruante ajo.“Kush jam unë për të dënuar ndokënd tjetër? Po, më lejohet të ndjehem e lënduar dhe me dhembje. Do të ishte e panatyrshme për mua të pretendoja sikur nuk jam. Personalisht, nuk dua të kem një zemër të urryer. Unë dëshiroj paqen në jetën time. Nëse do të ndjeja urrejtje do të më dëmtonte deri në fund”.- u shpreh Khloe, duke lënë të kuptohet se ka falje të mjaftueshme për të gjithë.
Mirëpo, nuk e prisnim reagimin e Jordyn Woods pas deklaratës së Khloe-s.
Ajo ka ndarë në InstaStory një foto të një shprehjeje ku shkruhej:
“Dikush diku po flet akoma për personin që ke qenë, sepse nuk kanë akses në personin që je bërë.”, duke lënë të kuptohet se fjalët e Khloe-s nuk ishin më për të, pasi tashmë Jordy-n është një tjetër person.
