Në muajin shtator, moderatorja e njohur Jonida Vokshi njoftoi se do të largohej nga “shtëpia e saj” për 10 vite, “DigitAlb”.
Ajo rrëfeu se nuk kishte qenë aspak vendim i lehtë për të, mirëpo renditi arsyet personale dhe profesionale për këtë vendim, duke treguar se do të vinte me projekte të reja.
Pas largimit të Jonidës, një tjetër personazh i njohur është bërë pjesë e “DigitAlb”.
Është fjala për Alban Skënderaj, i cili do të jetë imazhi i ri i kompanisë, ku së fundmi ka realizuar një spot publicitar, dhe në pak sekonda ai flet për rrugën e duhur, që duhet të ndjekë çdo njeri.
“Mjafton një derë e vetme për t’u gjendur ballë një të papriture, ose më shumë se një. Për t’u takuar me ata që të duan vërtetë. Për të ndryshuar një jetë të tërë. Nuk ka rëndësi se kur, e rëndësishme është të hapësh derën e duhur”– janë fjalët motivuese të Albanit.
