Studio e njohur e arkitekturës në Prishtinë, Anarch, njoftoi publikisht se është e gatshme të ofrojë pa pagesë projektimin e 20 apartamenteve të reja që do të ndërtohen për banorët e goditur nga tërmeti i 26 nëntorit.
Drejtuesi i kësaj studio, Astrit Nixha, tha për lapsi.al se në bashkëpunim me kompaninë shqiptare Gjikuria, e cila nga ana e saj do të ndërtojë falas këto 20 apartamente, arkitektët nga Prishtina do të projektojnë këto banesa me parametra bashkëkohorë, duke shpresur që të shndërrohen në model edhe për ndërtimet e tjera që planifikohen të ngrihen.
Solidarizimi nga Prishtina është në vazhdën e një fryme të rrallë mbështetjeje që shqiptarët e Kosovës kanë dëshmuar në këto ditë të vështira.
Kompania “Gjikuria” do të ndërtojë 20 apartamente për të prekurit nga tërmeti
