Një sërë lëvizjesh të çuditshme kanë kapluar bashkinë e Durrësit ku frenat po i merr sërish në dorë klani i Vangjush Dakos.
Mirë kryebashkjakja Sako u largua se bëri dy gafa, po nënkryetarja pse duhej të dorëhiqej? Lapsi.al ka dhënë një version të këtyre ndryshimeve, (shiko shkrimin te kategoria kryesore). Atë e përforcon vënia si drejtues i komanduar i ish zv të Vangjush Dakos në bashki. Pas dorëheqjes së kryebashkiakes së Durrësit, Valbona Sako, drejtimin e bashkisë së këtij qyteti do ta marrë Zhulien Varfaj.
Varfaj ka qenë nënkryetar i bashkisë së Durrësit edhe në periudhën kur këtë qytet e drejtonte Vangjush Dako.
Vendimi është marrë gjatë një mbledhje me urgjencë të këshillit bashkiak të Durrësit. Ndërkohë, po sot ka dhënë dorëheqjen edhe nënkryetarja e Bashkisë, Elteva Kondi, e emëruar në këtë post nga zonja Sako.
