Kryeministri Edi Rama përmendi edhe njëherë krydemokratin në takimin që po zhvillon me ambasadorët në Pallatin e Brigadave.
Teksa falenderoi të gjitha vendet për ndihmën që i kanë dhënë në këtë periudhë tragjedie që kaloi Shqipëria pas tërmetit të 26 nëntorit, Rama kujtoi Bashën dhe tha se e ka thirru në dialog.
“I kam thirru në dialog. Është koha të mblidhemi. Do kemi kohë që të zihemi që kush është më i mençuri dhe kush është më i zoti. Tani prioritet ka populli. Unë i kam ftuar opozitarët që të vijnë të ulen bashkë me mua në dialog. Kemi një periudhë të vështirë përpara. Ishalla vijnë të ulemi. Shpresoj,”– tha Rama ndër të tjera.
Edhe paraditen e sotme përmes një statusi në Twitter, Rama ftoi Bashën që të ulen në dialog. Ndërsa në një prononcim për “Top Channel”, Basha iu përgjigj duke vënë në dukje faktin se sipas tij nuk është koha për politikë, por për të ndihmuar popullin.
