Edi Rama kishte vendosur sot të përvetësonte prime time të mbrëmjes duke dhënë një intervistë lumë tek Real Story. Kur asaj po i vinte fundi Sokol Balla e pyeti edhe për lajmin që ka qarkulluar gjithë ditën në media sipas të cilit i biri i tij i madh, Gregu, ka humbur të dashurën gjatë katastrofës.
Lexo më tej: Mes viktimave të tërmetit edhe e fejuara e djalit të kryeministrit Rama. E konfirmon vetë Gregu
Këtu inskenimi i Ramës mbëriti kulmin. Ai u lëshua në një fjalim të gjatë, se ata që kujtojnë se ai qëndron në post për të vjedhur, nuk e kuptojnë dot atë dhe pastaj tha shprehjen më gjigande: "Unë i kam të gjithë ata që janë prekur sot, njësoj si Gregu".
Por sikur kjo batutë, që çdo njeri që ka qenë qoftë edhe pak çaste baba në jetë e ka të vështirë ta besojë, të mos mjaftonte, Rama nuk u ndal.
Pasi u betua për virgjërinë morale, pasi na tregoi se i donte gjithë ata që po vuanin si bijtë e tij, ai bëri dhe një inskenim të fundit: pasi tha emrin e Gregut, luajti të prekurin që ka turp t'ia shohin dhimbjen dhe u largua papritmas nga ekrani.
Me sa duket qëllimi për të kapur prime time të Real Story-t qe arritur.
©Lapsi.al
