Kënga e re e Capital T “Akull” është bllokuar në Youtube dhe shkak është bërë muzika e kopjuar.
Ashtu si tek kënga “Kujtime” Capitali kishte përdorur një pjesë me motive indiane dhe ndjekësit e kuptuan menjëherë se ajo ishte e vjedhur.
Një pjesë e këngës është e shkëputur nga “Galliyan” , kolonë zanore e filmit të famshëm të Bollywood-it “Ek Villain”.
Për këtë nuk ka qenë në dijeni Capital T, i cili ka sqaruar akuzat për vjedhjen e muzikës. Teksa ka lajmëruar se shumë shpejt do të rikthehet hiti i ri në YouTube, Capital T shprehet se ka qenë producenti ai që ka përdorur një fragment nga filmi, për të cilin këngëtari nuk ka qenë në dijeni:
“Pse paragjykoni pa pasur lidhje, kërkush s’ka vjedh kurgjo. Producenti që e ka bërë instrumentalin e ka përdorur një fragment prej një filmi për të cilin unë s’isha në dijeni edhe është në proces e shpejt rregullohet”.
Ai shprehet se shumë shpejt do të sqarohet ky gabim dhe kënga do të rikthehet.
