Pasi persona ende të paidentifikuar i dogjën makinën mbrëmjen e djeshme, ka folur për mediat gjyqtari i Gjykatës së Shkallës së Parë në Shkodër Andri Ymeri.
Në një prononcim për mediat ai tha se zjarrëvënia ka lidhje me detyrën e tij.
“Nëse kam qenë unë objektivi ta harrojnë se mund të më bëjnë presion” - tha Ymeri pak pas marrjes në pyetje për ngjarjen.
Andri Ymeri theksoi se në punën e tij gjyqtari është i përgatitur për çdo gjë.
“Gjyqtari duhet të jetë i përgatitur për çdo gjë. Ne duhet të jemi të përmbajtur dhe çfarë kisha për të thënë, i thashë në polici. Normalisht që ngjarja ka lidhje me detyrën, por unë nuk tërhiqem. Nëse kam qenë unë objektivi, ta harrojnë se mund të më bëjnë presion”, tha gjyqtari.
https://youtu.be/UrroKdAIHF0
Ka qenë ora 23:48 e mbrëmjes së kaluar kur dyshohet se dy persona me skafandër në kokë dhe me një motor janë afruar tek mjeti tip “Benz” që ndodhej i parkuar afër kishës françeskane në Shkodër dhe pasi e kanë lyer atë me lëndë djegëse benzinë, i kanë vënë flakën.
