Dje mbrëma, në Microsoft Theater në Los Angeles, u mbajt ceremonia e 47 e American Music Awards, ku u ndanë çmime për artistët dhe albumet më popullorë të 2019-s.
Ciara shërbeu si moderatore. Post Malone u nominua për shtatë çmime, ndërsa Ariana Grande dhe Billie Eilish nga gjashtë secila. Taylor Swift u nderua me çmimin Artist of the Decade (Artisti i Dekadës), duke u bërë kështu artistja me më shumë çmime nga AMA, me plot 29 të tillë.
Selena Gomez performoi dy këngët e reja, “Lose You to Love Me” dhe “Look at Her Now,” por diçka nuk shkoi siç duhet dhe këngëtarja stonoi. Billie Eilish performoi “All the Good Girls Go to Hell,” Lizzo performoi “Jerome,” Dua Lipa u ngjit në skenë me “Don’t Start Now” ndërsa Taylor Swift këndoi plot gjashtë këngë me mesazh subliminal.
Swift është një betejë me menaxherin Scooter Braun, i cili sipas saj, nuk e lejonte të këndonte këngët e saj të vjetra ngaqë ka blerë të drejtat e gjithë albumeve të Swift. Prandaj, veshja skenike e këngëtares kishte të shkruar titujt e albumeve që tashmë i përkasin Braun. Kënga që nisi performancën ishte “The Man,” që thekson se nëse Taylor do të kishte qenë burrë, do të kishte arritur gjithçka që meriton dhe askush s’do ta shfrytëzonte.
Në AMA nuk mund të mungonte një copëz nostalgjie. Green Day u ngjitën në skenë me “Father of All” dhe Basket Case”; Christina Aguilera me “Fall On Me”; Toni Braxton me të pavdekshmen “Un-Break My Heart,” ndërsa Shania Twain habiti audiencën me këngët e artistëve të tjerë. Ikona e muzikës country performoi cover-a të “Rockstar” nga Post Malone, “Stressed Out” nga Twenty One Pilots,” “Shake It Off” nga Taylor Swift, “God’s Plan” nga Drake dhe sigurisht, përfundoi me “That Don’t Impress Me Much” dhe “Man! I Feel Like A Woman.”
Fituesit
ARTISTI I PREFERUAR—ALTERNATIVE ROCK
FITUES: Billie Eilish
Imagine Dragons
Panic! at the Disco
KËNGA E PREFERUAR—POP/ROCK
FITUES: Halsey, “Without Me”
Jonas Brothers, “Sucker”
Lil Nas X ft. Billy Ray Cyrus, “Old Town Road”
Panic! At The Disco, “High Hopes”
Post Malone & Swae Lee, “Sunflower (Spider-Man: Into the Spider-Verse)”
ALBUMI I PREFERUAR—POP/ROCK
FITUES: Taylor Swift, Lover
Billie Eilish, When We All Fall Asleep, Where Do We Go?
Ariana Grande, Thank U, Next
TURNEU I VITIT
FITUES: BTS
Ariana Grande
Elton John
P!nk
Ed Sheeran
BASHKËPUNIMI I VITIT
FITUES: Shawn Mendes & Camila Cabello, “Señorita”
Lady Gaga & Bradley Cooper, “Shallow”
Lil Nas X ft. Billy Ray Cyrus, “Old Town Road”
Marshmello & Bastille, “Happier”
Post Malone & Swae Lee, “Sunflower (Spider-Man: Into the Spider-Verse)”
ARTISTI I RI I VITIT
FITUES: Billie Eilish
Luke Combs
Lil Nas X
