Ish e shoqja e futbollistit të njohur Gigi Buffon, Alena Seredova, ka rrëfyer së fundmi se tradhtinë e tij me yllin e televizioneve Ilaria D’Amico e zbuloi përmes një emisioni radiofonik.
“Dëgjova se Gigi po më tradhtonte në radio. Isha e parafundit që e dija, pas meje e zbuloi babai”- u shpreh fillimisht 41-vjeçarja në emisionin “Vieni da Me”. “Mendoj se pas atij lajmi u bëra më e mirë. Kam qenë me fat, kemi ende një familje të ekuilibruar, unë nga njëra anë dhe Gigi nga ana tjetër.
Çdo gjë që nuk ju vret, ju bën më të fortë”-vijoi Seredova, duke pohuar se mban në shtëpi ende foto të ish-portierit. “Në shtëpi sot kam ende foto. Mund të duket e çuditshme, por të kaluarën mund ta mohosh kur nuk ka fëmijë në mes,por kur ata janë atje është qesharake ta bësh këtë”-tha ajo.
