Banorët e zonës së “Unazës së Re” janë vendosur para prokurorisë së Tiranë duke kërkuar nga kjo e fundit të hetojë projektin që u prishi atyre shtëpitë.
Banorët janë të shoqëruar edhe nga ish-deputetë të opozitës, të cilët i janë bashkuar protestës.
Protestuesit shprehen se nëse nuk do ketë drejtësi do të bëjnë vetëgjyqësi.“Rama ik” janë thirrjet e protestuesve para Prokurorisë.
Ndërsa mbajnë pankarta në duar, ku në një prej tyre shkruhet: "Herët a vonë drejtësia triumfon".
Pas një viti tek “Unaza e Re” filloi prishja e shtëpive, ndërsa banorët vijojnë protestat. Në vendngjarje ndodhen forcat e policisë.
