Lapsi Video

Aplikacioni

Android iOS
Flash

Ku është zhdukur Edi Rama?

Lapsi.al 22 November 2019
Ku është zhdukur Edi Rama?
Fotoja më sipër është imazhi i fundit në publik i kryeministrit Edi Rama. Dalja e tij e fundit mediatike ishte mbrëmjen e së dielës në ndeshjen Shqipëri - Francë ku edhe u inaugurua stadiumi “Air Albania”. Prej asaj nate kryeministri Edi Rama nuk ka marrë pjesë në asnjë aktivitet duke shënuar mungesën më të gjatë në TV që nga zgjedhja e tij kryeministër në 2013-ën. Rama anuloi edhe takimin e së mërkurës të “bashkëqeverisjes me qytetarët” ku hallexhinjtë falënderojnë “bamirësin” për zgjidhjen e problemit të tyre në hipoteka apo administratë. Por ajo që është më e rëndësishmja, kryeministri shqiptar nuk ka bërë as më të voglin reagim për krizën që ka pushuar Gjykatën Kushtetuese. As me zë e figurë, as me “cicërima” në rrjetet sociale. Ka munguar qoftë edhe një fjalë e vetme ndaj akuzave të rënda të Presidentit ty Republikës Ilir Meta për kapje të sistemit të drejtësisë dhe gjykatave. Të vetmen deklaratë e bëri në seancën e jashtëzakonshme të parlamentit të së premtes së kaluar ku akuzoi Metën se “po sulmonte reformën e bërë me mbështetjen e BE dhe SHBA”. Po ku është kryeministri Edi Rama dhe pse kjo shkëputje nga debati politik? Ai vetë e ka pranuar se nuk rri dot pa dalë në TV ...madje dhe në frigorifer.   LEXO EDHE: “Hap frigoriferin dhe shiko Ramën”, strategjia e normalizimit të vesit Vetëm sot publikoi disa foto nga Riadi i Arabisë Saudite në krah të Princit të Kurorës Muhammed Bin Salman që mbante në dorë pikturat e të parit të qeverisë shqiptare. Rama thotë në postimin e tij se është aty për të diskutuar mbi ecurinë e përgatitjeve të disa investimeve të rëndësishme në turizëm, infrastrukturë dhe kulturë, por Partia Demokratike në një deklaratë të saj, këtë të premte thotë se “Edi Rama vazhdon turin e tij prej sheiku, duke shitur piktura e hapur ekspozita”. Gjithsesi, nuk është e qartë nëse kjo mungesë në debatin politik është strategji apo Rama po reflekton për atë që po ndodh. ©LAPSI.al

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

15°c

KËMBIMI EURO

91.61

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI