Fundjavën e kaluar, ""Joker"" – filmi i Todd Phillips që tregon origjinën e armikut të Batman – tejkaloi 1 miliardë dollarë fitime nga shitjet e biletave në gjithë botën. Kështu, "Joker" mundi "Deadpool"dhe është tani filmi për grupmosha të rritura me fitimet më të larta në historinë e kinematografisë.
Që kur filmi u prit pozitivisht nga kritikët dhe publiku gjatë Festivalit të Filmit në Venecia, është përfolur rikthimi me një film të dytë, që pason ngjarjet e të parit. Deri më tani, ka qenë i vështirë konfirmimi i këtij thashethemi, Një artikull i ri në The Hollywood Reporter shkruan se projekti është në fazat e fundit të diskutimeve dhe se Phillips dhe Phoenix do të bashkëpunojnë sërish bashkë për "Joker" 2.
