Kylie Jenner shiti më shumë se gjysmën e kompanisë, Kylie Cosmetics, për 600 milionë dollarë. Blerësi, Coty Inc., ka në plan ta kthejë brandin në një emër të njohur dhe të përhapur në gjithë botën.
"Kylie e di që ky është vendi që i takon, ky është pasioni i saj, meqë donte të përdorte kreativitetin e saj për të zhvilluar më tej kompaninë,” tha Kris për CNBC. “Këtë do të bëjë tërë jetën. Vetëm për këtë flet.”
Më pas tha: “Njëzetë vite më vonë, e sheh veten duke drejtuar kompaninë e ndoshta t’ia trashëgojë të bijës.” Pra, Stormi, një vjeç e pak, ka një punë në një kompani që vlen miliona që po e pret.
