Taylor Swift, e cila deklaroi se ish-kompania që e menaxhonte po i ndalon të performojë këngët e saj të vjetra, kërkoi që artistët që menaxhon Scooter Braun të reagojnë në lidhje me çështjen në fjalë.
Fjalët ranë në veshin e duhur dhe Justin Bieber reagoi, sigurisht që jo në anën e Taylor-it. Në Instagram, Bieber postoi një screenshot të një artikulli të TMZ, që paraqet versionin e kompanisë Big Machine Label, që ka sot të drejtat e gjashtë albumeve të parë të këngëtares.Për kontekst: Ithaca Holdings e Braun bleu Big Machine Label Group nga themeluesi Scott Borchetta si pjesë e një marrëveshjeje prej 300 milionë dollarësh. Swift nënshkroi me labelin nga viti 2006 për albumin e saj debutues deri në vitin 2017, para se të shkonte të Universal Music Group. Kjo do të thotë se këngëtarja nuk ka asnjë të drejtë për projektet e mëparshme muzikore.Në artikullin e TMZ, theksohet se një përfaqësues i Big Machinë ka deklaruar se “Taylor Swift ka 100 për qind të drejtë të performojë këngët e vjetra në American Music Awards”. “Konfuzioni ynë në lidhje me deklaratën e saj është se nuk kemi të drejta ligjore ta ndalojmë një gjë të tillë dhe të dyja skuadrat e dinë këtë.”
Por ndërkohë publicisti i Swift u shpreh se “Big Machine e ndaloi këngëtaren të riregjistrojë këngët e vjetra”.
Selena Gomez shkroi gjithashtu në Instagram, por ndryshe nga Justin Bieber, mbajti anën e Taylor.“E njoh Taylor-in prej 13 vitesh. Ajo është gruaja më e përkushtuar, më e fortë dhe më guximtare që kam njohur. Jam kaq krenare për ditarin e saj [tekstet e këngëve], të cilin e dëgjoi gjithë bota. Ta shoh teksa përpiqen ta shkatërrojnë është një ndjenjë shumë e keqe. Taylor lufton. Nuk do të ndalojë kurrë së luftuari. Njerëzit rriten prej zgjedhjeve. Disa do të qëndrojnë njësoj përgjithmonë. Me gjithë zemër shpresoj për një ndryshim të situatës.”
