Në prill të vitit 1999, Albin Kurti u arrestua nga forcat serbe bashkë me babain e tij, Zaim Kurtin dhe vëllanë, Arianit Kurtin. Lajmin u dha në atë kohë nga televizioni shqiptar (TVSH), i cili ishte dritarja e vetme e informimit televiziv për shqiptarët e Kosovës.
“Burimet tona nga Prishtina, na njoftojnë se tash e 10 ditë janë arrestuar nga forcat serbe, Zaim Kurti, anëtar i Kryesisë së Lëvizjes Demokratike Shqiptare dhe dy bijtë e tij, Albin Kurti, veprimtar i dalluar studentor në Prishtinë dhe sekretar i zyrës së Adem Demaçit dhe Arianit Kurti student I vitit të tretë në fakultetin teknik në Prishtinë. Nuk ka informacione për fatin e të arrestuarve”, - lexoi spikeri Mustaf Muçaj.
Vëllai dhe babai i tij u liruan më pas, por me tërheqjen e forcave serbe nga Kosova më 10 qershor 1999, Albini dhe shumë të burgosurit të tjerë shqiptarë u transferua në burgjet serbe. Aty qëndroi derinë 7 dhjetor 2001 kur u lirua pas presionit ndërkombëtar. /magazina.al
