Edi Rama dënoi sot nga Kuvendi sulmet e Presidentit Ilir Meta ndaj diplomatëve të korruptuar siç i quajti ky i fundit, ndërsa Rama i lexoi si sulme ndaj SHBA dhe BE.
Kryeministri tha se këto janë sulme të turpshme dhe që e vënë Shqipërinë në një situatë jo komode përballë aleatëve strategjikë. Sipas kreut të qeverisë, përplasja nuk është mes Ilir Metës dhe qeverisë, por mes Ilir Metës dhe drejtësisë.
Lexo më tej nga Lapsi.al:
Gjykata Kushtetuese/ Arta e parë si Arta e dytë, kamikaze me mision
Zëri i Amerikës: Arta Vorpsi shkeli kushtetutën duke u betuar te noteri
“Edhe njëherë Kuvendi mblidhet në seancë të jashtëzanshme me historinë e zakonshme me Ilir Metën. Edhe njëherë përplasja është jo mes nesh dhe Metës, por mes Metës dhe drejtësisë. Edhe njëherë tjetër për këdo që do të kuptojë pa hyrë në të thella jemi përballë si Kuvend me njeriun që e ka humbur busullën dhe e ka kthyer institucionin e Presidencës në një frrëngji, prej ku sulmon nga të katër anët, duke qenë ne këtu 100% në të njëjtën linjë me SHBA e BE.
Natyrisht pastaj është e lehtë të kuptohet pse si cdo herë tjetër Meta nuk kursen as partnerët strategjikë dhe as dy aleatëve të mëdhenj të pa lëkundur të Shqipërisë, SHBA dhe BE, duke na vënë të gjithëve në një pozitë jo komode dhe të turpshme, sepse insinuon haptas se këto përfaqësi të nderuara të shteteve që janë qysh në ditën e parë të procesit të reformës në drejtësi, promotorë dhe mbështetëse të reformës akuzohen si të korruptuara. Nuk ka më turp, e pas kësaj besoj nuk ka as nevojë të zgjatemi për të shpjeguar arsyet që na sjellin këtu dhe drejtësinë e vendimmarrjeve tona, ndaj këtë herë nuk do merrem me Ilir Metën por me drejtësinë”, tha Rama.
