Të zgjedhësh mes Flori Mumajesit dhe Ledri Vulës, mund të jetë e vështirë, por jo për Kiara Titon. E ftuar sot në “Ftesë në 5”, moderatorja u vendos përballë kësaj zgjedhjeje dhe nuk e kishte të vështirë të shkonte me Florin. Kiara zgjodhi kantautorin e njohur për të dalë në një nga klipet tij, në vend të reperit. Ajo pohoi se e ka shumë përzemër Florin, ndaj dhe do i pëlqente të dilte në një projekt të tijin. Në një moment të dytë në studio moderatorja u surprizua nga mikja e saj më e ngushtë, Liesa, për të kënduar këngën e saj të preferuar nga Andi Shkoza në studion e ‘Ftesë në 5’. Kiara tregoi gjithashu se në të ardhmen e sheh veten në programe ‘prime time’, pasi ato formate e bëjnë të ndihen më mirë.
