Sabri Fejzullahu ishte i ftuar në emisionin “E Diell”.
Në një intervistë me gazetarin Ervin Kurti ai ka treguar për konfliktin që pati me Flori Mumajesin.
Sabriu u shpreh se ka qenë një ngatërresë dhe se gjatë intervistës kishte dalë nga konteksti.
Ai pohoi se Flori është një nga artistët më të mirë dhe që e vlerëson shumë punën e tij.
Më tej Sabriu tregoi dhe se ka shumë këngë të kompozuara nga Mumajesi.
Për të gjithë ata që nuk e kujtojnë, konflikti i Sabriut me Florin ka nisur pak muaj më parë.
Në një intervistë, Sabri Fejzullahu u shpreh se këngëtarët shqiptarë kanë klikime të blera dhe përmendi edhe emrin e Florit.
Për kundërpërgjigje, Flori u shpreh se ai nuk ka asnjë klikim të blerë dhe fjalët që tha sot Sabriu u japin fund një herë e mirë spekulimeve.
