Dua Lipa ka ndarë së fundmi në një emision britanik radiofonik një takim qesharak me një djalë, që daton në të shkuarën e saj.
“Ishte takimi i parë dhe ai më çoi në një festë. Më pas shkuam në zonën e duhanpirësve dhe ai nisi të puthej me një vajzë tjetër. Ishte shumë qesharake. Ajo zonë ishte mjaft e ngushtë dhe ishim vetëm unë, ai dhe ajo vajza. Unë thjesht po e shihja teksa e puthte dhe po mendoja: Po ndodh vërtetë? Më pas thashë: Ok, në rregull, dikush të më sjellë xhaketën. Kështu, mora xhaketën time dhe ika”-u shpreh Dua Lipa në radion “Kiss FM”. Aktualisht këngëtarja me origjinë shqiptare është në një lidhje me Anwar-in, vëllain e supermodeleve Gigi dhe Bella Hadid.
