Dje një aksidenti i rëndë ndodhi në darke në aksin rrugor Mjull Bathore në drejtim të Saukut tek rruga e TEG, ku humbi jetën një 17-vjeçar.
Mjeti tip ‘Benz’ me targe AA 131 ZZ, me drejtues shtetasin me inicialet F. F., ka humbur kontrollin dhe ka goditur një ‘Porche’, i cili ka qenë i ndaluar në karaxhatë.
Nga verifikimet e policisë shkak për aksidentin ka qenë shpejtësia tej normave të lejuara çka ka bërë që mjeti të humbasë kontrollin. Si pasojë e përplasjes ka gjetur vdekjen pasagjeri, i cili ndodhej në mjetin ‘Benz’, shtetasi me inicialet K. V., 17 vjeç dhe janë dëmtuar lehtë 3 shtetas të tjerë të cilët kanë qenë pasagjer në të dy mjetet e aksidentuara.
