Daniela Shirka, gjyqtare në Gjykatën e Shkallës së Parë për Krimet e Rënda dhe gjyqtari i Apelit të Tiranës Artur Kalaja kanë kaluar sot sitën e vettingut, duke u konfirmuar në detyrë.
Shirka është emocionuar shumë nga vendimi, pasi Komisioni konstatoi mungesë burimesh në blerjen e një apartamenti në vitin 2012 si dhe ngriti pikëpyetje mbi mundësinë financiare të një huadhënësi, që gjithashtu kishte kontribuar me 2 milionë lekë në blerjen e apartamentit. Në foto shihet se si gjyqtarja është përqafuar për të pranishëm në sallë, ndërsa shfaqet e përlotur.
Po sot gjykatësja Shirka duhet të ishte në procesin kundër Arbër Çekaj, biznesmenit të bananeve i akuzuar për 613 kg kokainë të gjetur në kontejnerë në portin e Durrësit. Pas konfirmimit në detyrë, Shirka ka shkuar e buzëqeshur dhe e qetë në gjykatën e Krimeve të Rënda, megjithatë seanca është shtyrë për disa arsye të tjera.
Pas vendimit, gjyqtari Artur Kalaja është takuar me të afërm të tij dhe duket i lehtësuar. ©Lapsi.al
