Në Gjykatën për Krime të Rënda u zhvillua seanca gjyqësore me dyer te mbyllura për vlerësimin e masës së arrestit të Redjan Rrajës, i cili u arrestua një ditë më parë pasi dyshohet si një nga autorët e atentatin ndaj prokurorit Arjan Ndoja. Në përfundim gjykata caktoi masën "arrest me burg".
Dëshmia që ai ka dhene para hetuesve sot në gjykatë eshte mohuese, pra që s'ka lidhje me ngjarjen e rëndë.
“Ngjarjen e mësova nga mediat. Ditën kur ka ndodhur ngjarja kam qenë duke përshkruar itinerarin që bëj gjithmonë në Tiranë-Durrës-Fushë Krujë”, mësohet të ketë thënë ai para hetuesve.
