McDonald’s ka shkarkuar shefin ekzekutiv të saj Steve Easterbrook pasi ai pati një lidhje me një punonjëse. Gjigandi amerikan i ushqimit të shpejtë tha se marrëdhënia ishte konsensuale, por Easterbrook kishte “shkelur politikën e kompanisë” dhe kishte treguar “gjykim të dobët”. Biznesmeni britanik, i cili fitoi gati 16 milion dollarë vitin e kaluar, do të marrë pagë për 26 javë. Në një e-mail për stafin, Easterbrook pranoi marrëdhënien dhe tha se ishte një gabim.
“Duke pasur parasysh vlerat e kompanisë, unë jam dakord me bordin që është koha që unë të eci përpara”, - tha ai. Easterbrook, 52 vjeç, i cili është i divorcuar, për herë të parë ka punuar për McDonald’s në 1993 si menaxher në Londër.
Ai u largua në vitin 2011 dhe u bë shef ekzekutiv i Pizza Express dhe më pas i kompanisë ushqimore aziatike Wagamama. Në vitin 2013 u kthye sërish në McDonald’s dhe u bë drejtuesi i saj për Mbretërinë e Bashkuar dhe Evropën veriore. Në vitin 2015 u emërua shef ekzekutiv i McDonald’s.
