Dy shoferë kamioni u arrestuan nga policia franceze, pasi në kamionin që ata drejtonin u zbuluan 8 shtetas afganë, mes të cilëve edhe 2 fëmijë të vegjël, të cilët vuanin nga hipotermia.
Arrestimet u kryen në portin francez të Calais rreth orës 05:00 të mëngjesit të së dielës, kur ata tentuan të hipnin në një traget që kishte si destinacion Anglinë.
Një burim ka thënë për mediat franceze se emigrantët vuanin nga hipotermia.
“Gjendja e tyre do të ishte përkeqësuar nëse do të vazhdonin rrugën. Tashmë ata janë dërguar në spitalin e Calais. Drejtuesit e kamionit dyshohet se do t’i transportonin ata drejt Anglisë. Emigrantët janë zbuluar nga forcat e rojës britanike, të cilët më pas kanë njoftuar autoritetet franceze”, ka thënë burimi.
Kjo ngjarje vjen pas tragjedisë me 39 viktima të gjendur në pjesën e pasme të një kamioni frigoriferik në Essex të Anglisë.
Lexo më tej nga Lapsi.al:
“Mail on Sunday”/ Trafikanti shqiptar që qeshi me 39 viktimat e kamionit: “Fat i keq”
Kamioni me 39 viktima në Angli/ Detaje rrëqethëse, emigratët luftuan me thonj për të dalë (FOTO)
Ngjarje horror në Britani, 39 viktima gjenden brenda një kamioni
