39 trupat e gjetur brenda një kamioni bullgar në Angli i përkasin kombësisë kineze. Lajmi është konfirmuar nga mediat britanike.
Kamioni u gjend në një park industrial në Essex, në juglindje të vendit, i cili kishte hyrë nga Uellsi dhe autoritetet belge dyshojnë se është nisur nga porti i Zeebrugge.
Sipas ekspertëve, viktimat kanë pasur një vdekje të ngadaltë dhe të tmerrshme. 38 të rinj dhe një adoleshent kishin si destinacion Mbretërinë e Bashkuar, duke synuar të depërtonin në këtë territor në mënyrë ilegale. Raportohet se ekspertët janë futur brenda frigoriferëve, ku shënohej temperatura -25 gradë celscius.
Ekspertët thonë se thirrjet e tyre për ndihmë ranë në vesh të shurdhët pasi shoferi nuk i dëgjonte dot. ©Lapsi.al
