Një vit më parë, 22-vjeçarja Kylie Jenner u bë nënë për herë të parë.
Ajo dhe partneri, Travis Scott, u bënë prindër të një vogëlusheje të cilën e pagëzuan me emrin Stormi.
Tashmë, Stormi është një ndër bebushat më të njohur në botë, e cila merr vëmendjen e të gjithëve sa herë mamaja i publikon foto e video në Instagram.
Mirëpo, e dinit se nëse s’do të quhej Stormi, e vogla do të kishte një tjetër emër po kaq të adhurueshëm?
Kylie do ta quante të bijën Rose dhe këtë e ka zbuluar për ndjekësit e saj në Instagram.
“Cilat janë emrat e tjerë që ke marrë në konsideratë për Stormin?”- i shkruan një ndjekës të cilit Kylie ia kthen:“Rose, ende e dashuroj këtë emër.”
Gjithashtu, fansave të miliarderes i ka bërë përtshtypje fakti se Stormi komunikon shumë mirë me mamanë e saj, ndaj Kylie ka treguar cili është sekreti pas kësaj.
Ajo i flet të voglës si të fliste me një person të rritur dhe i shpjegon gjithçka.
“I flas si të ishte e rritur dhe i shpjegoj gjithçka edhe kur ishte ende shumë e vogël për të folur. Fëmijët janë si sfungjerë të vegjël (të cilët thithin çdo gjë)”- ka rrëfyer Kylie.
Prej disa ditësh, Kylie po përflitet për ndarjen me Travis Scott. Ata po jetojnë momentalisht larg njëri-tjetrit, mirëpo burime pranë dyshes kanë treguar se kanë gjasa të bashkohen, pasi të dy ndjejnë ende për njëri-tjetrin dhe i ka marrë malli.
