Vitin e kaluar, në Kinë u zhvillua eventi më i rëndësishëm në botën e spektakleve “Miss World 2018”, ku Shqipëria u përfaqësua nga bukuroshja Nikita Preka, e cila ka mbaruar studimet për ekonomi në Londër.
Ajo tashmë jeton dhe punon në vendet arabe, por së fundmi në një intervistë, ajo ka rrëfyer se është e punësuar në një kompani konstruksioni dhe investimesh në Dubai.
Nga puna në këtë fushë, ish-missi shqiptar ka zbuluar se atje takon shpesh herë futbollistë të njohur, personazhe të famshëm, si dhe sheikë.
Nikita është shprehur se ata janë njerëz të respektuar dhe mikpritës:
“Kam takuar sheikë në shumë vende, jo vetëm në Dubai. Janë njerëz të respektuar nga shoqëria dhe mikpritës. Jeta në Dubai është e bukur. Takon njerëz nga e gjithë bota, mund të bësh aktivitete të ndryshme, sporte të ndryshme e të tjera. Në marrëdhënie me meshkujt e ndiej veten mirë në çdo shtet që kam jetuar. Mendoj që meshkujt të trajtojnë siç i vendos femra vetë standardet. Kam takuar sheikë në shumë vende, jo vetëm në Dubai. Janë njerëz të respektuar nga shoqëria dhe mikpritës. Martesën nuk e mendoj, por ‘never say never’. Vajzat e bukura dhe të suksesshme që takoj e kanë të vështirë të gjejnë partnerin ideal, ngaqë ato kanë standarde të larta, ndërsa meshkujt nuk dinë se çfarë kërkojnë nga ana tjetër”, shprehet ish miss-i shqiptar.
