Bëhet fjalë për aktivitetin e ndjekësve, që tregonte fotot e kujt pëlqenin, komentonin apo personat që ndiqnin, ata që keni në Instagram.
Nga studimet që ka bërë rrjeti social, u vu re se opsioni përdorej gjithmonë e më rrallë, prandaj u vendos të hiqet, për ta bërë sa më të thjeshtë eksperiencën për ta.
“Po e heqim sepse vetëm një numër i vogël njerëzish e përdorin dhe sipas tyre është një opsion i fshehur, në krahasim me opsione si “Explore” apo të tjera.”- konfirmoi një zyrtar i kompanisë së Instagramit-“ Madje njerëzit reagojnë të habitur kur marrin vesh që aktiviteti i tyre i shfaqet të tjerëve.”
Opsioni është hequr tashmë për një numër përdoruesish që në muajin shtator megjithatë tani nuk do të shfaqet më përfundimisht. Gjithashtu, një e re që do të dalë së shpejti, është “Threads”, një aplikacion i veçaur nga Instagram-i, por që do të përdoret për të komunikuar me mesazhe me ata që ndiqni aty. Bëhet fjalë për një lloj komunikimi si Snapchat, me anë të fotove që zhduken.
