Aurela Hoxha, protagonistja në videoklipin më të ri të Alban Ramosajt, “T’kom dasht”, e surprizoi dje këngëtarin me një videomesazh në emisionin “Rudina”.
Ajo përshëndeti mikun e saj të ngushtë, ndërsa gjatë videos përdori edhe një filtër të përhapur shumë së fundmi në rrjete sociale.
Filtri i cili është kthyer në trend këtë muaj, të bën të dukesh sikur ke bërë operacione plastike në fytyrë .
Kaq ka mjaftuar që pas videos së Aurelës, ndjekësit të komentojnë se ajo i kishte bërë sërish buzët, gjë e cila nuk u ka pëlqyer aspak atyre.
Pas këtyre reagimeve, Aurela s’ka vonuar të sqarojë në komente se në fakt nuk ka bërë asnjë ndërhyrje tjetër dhe për më tepër, po mendon të mos i bëjë kurrë më buzët.
