Saga Travis Scott, Kylie Jenner dhe Tyga po bën namin në mediat rozë, pasi miliarderja konfirmoi ndarjen nga reperi me të cilin ka një vajzë!
Tani fansat tyre mendojnë se Tyga po tallet me Travis dhe fajin e ka një foto e fundit që ka publikuar reperi.
Kylie dhe Travis u ndanë dhe afërsisht dy sekonda më vonë ajo u pa duke bërë një vizitë në studion e regjistrimit të ish-të dashurit të saj Tyga.
Por Kylie, e cila ka qenë në një lidhje me Tyga-n para se të njihej me Travis Scott, i mohoi këto zëra.
“Interneti i bën gjërat 100 herë më shumë dramatike nga ç’janë në të vërtetë. Nuk kishte asnjë takim në orën 2 të mëngjesit me Tyga-n. Më patë duke lënë dy miqtë e mi në studion në të cilën ndodhej edhe ai”, shkroi ajo duke mohuar takimin me Tyga-n.
Pak ditë më pas Kylie u fotografua sërish në një club nate, ku ndodhej shumë pranë ish-it të saj, Tyga-s dhe zërat nisën të shtohen edhe më shumë se diçka po ndodh!
Sikur të mos mjaftonte kjo, Tyga tani ka veshur atletet e Travis në një foto të fundit, dhe është e vështirë të mendojmë se është thjesht rastësi!
Sigurisht që nuk mund të mos viheshin re atletet Jordan 1s nga fansat e reperëve, të cilët nisën menjëherë të komentonin për kunjat që po hedh Tyga.
