Për plot dy vite këngëtarja e njohur Beatrix Ramosaj është tërhequr nga skena muzikore duke mos publikuar asnjë këngë të re.
Projekti i fundit muzikor nga ajo i përket vitit 2017, por nuk kanë munguar postimet e saj në rrjetet sociale të fotove nga më të ndryshmet përmes të cilave i mban ata të azhurnuar lidhur me jetën e saj dhe me aktivitetet e momentit.Beatrix u shkëput nga pasioni i saj më i madh dhe arsyet i ka bërë të ditura ditën e sotme, se bashku me lajmin se ka ndërmend të rikthehet sërish në skenën muzikore.
Kënga e saj e re do të xhirohet muajin tjetër dhe këngëtarja ka zbuluar se i ka munguar muzikës pasi fillimisht i është dashur të gjejë veten duke u dedikuar në momente reflektimi.
‘E di që ka kaluar shumë kohë, por dua të dini se kam punuar për këngën time të re dhe me shumë siguri do ta xhiroj këngën time muajin e ardhshëm. Faleminderit që jeni treguar të duruar me mua. Më duhej pak kohë të punoja me veten dhe tani mendoj se jam gati të rikthehem dhe të jem pranë jush me muzikën time. Shumë dashuri, Trixa’, ka shkruar Beatrix në një postim të Instastory.
