Getinjo i cili në bashkëpunim me Mozzik apo me këdo artist tjetër, në “On Records” apo “2 euro Gang”, asnjëherë nuk e ndryshoi stilin e të bërit rap. Për këtë arsye ai është një nga më të vlerësuarit nga fansat e hip-hopit në industrinë tonë, por edhe për faktin që herë pas herë zgjedh të dalë nga linja e këngëve komerçiale për të na dhënë nja dy mesazhe ose më shumë.
Gjithsesi, në një lajmërim krejt të papritur në Instagram, Getinjo ka shkruar se ka vendosur që të mos bëj më këngë të reja dhe të shkojë drejt tërheqjes nga muzika. Ai nuk ka harruar të falenderojë të gjithë ata që e kanë përkrahur gjatë karrierës.
