Së fundmi në mediat e huaja u shkrua lidhur me marrëdhënien më të re të aktorit Brad Pitt. Pas ndarjes së tij me Angelina Jolie, Brad nuk ishte parë prej kohësh nën shoqërinë e ndonjë femre tjetër. Kjo dha shkas që të aludohej për një lidhje të mundshme të tij me dizenjuesen Sat Hari Khalsa.
Që pas fotove që qarkulluan në rrjet ku dyshja dukeshin mjaft të afërt, u mendua se ata ishin në një raport dashuror. Por burime të sigurta pranë Brad kanë thënë se aktori nuk është në një lidhje dhe as nuk e ka ndërmend një gjë të tillë. Sipas ‘Hollywoodlife’ aktori është shumë i fokusuar në karrierën e tij dhe nuk ka aspak mendjen për raporte të reja dashurore, të paktën zyrtare.
