Prej disa ditësh, në media po përflitet për krizën në çift të Rudina Dembacajt me partnerin e saj, Aleksin.
Thuhet se dyshja është drejt divorcit dhe këto lajme nuk janë konfirmuar, por as nuk janë mohuar nga Rudina.
Prej një viti, ajo nuk publikon më asnjë foto apo dedikim për bashkëshortin në Instagram, madje nëpër intervista i është drejtuar Aleksit si “babai i Viktorias”, vajzës së tyre.
Ndërkohë që Rudina nuk ka pranuar të prononcohet ende për këto lajme, burime për “PanoramaPlus” kanë treguar se në fakt partneri i saj po lufton për martesën.
Ai nuk ka ndërmend të heqë dorë nga Rudina dhe madje po konfuzon publikun me postimet në Instagram.
Teksa rrjeti zien nga lajmi i ndarjes, Aleksi publikoi një video të Rudinës dhe vajzës së tyre, duke i vendosur edhe dy zemra të kuqe.
Ende nuk dihet se cili do të jetë vendimi përfundimtar i dyshes, të cilët ende nuk kanë sqaruar asgjë për publikun.
Megjithatë, e vetmja gjë që dimë është se Aleksi nuk ka ndërmend ta çojë marrëdhënien e tyre drejt divorcit.
